ئاکۆ ئەفراسیابی، هاووڵاتییەکی خەڵکی شاری دیواندەرە، دوای دانانی بارمتەی ٥٠٠ ملیۆن تمەن، بەشێوەیەکی کاتی لە زیندان ئازادکرا.
بەپێی ڕاپۆرتی کۆلبەرنیوز، ڕۆژی یەکشەممە ٢٦ی ڕەزبەری ١٤٠٢، ئاکۆ ئەفراسیابی، هاووڵاتییەکی خەڵکی شاری دیواندەرە، بە دانانی بارمتەی ٥٠٠ میلیۆن تمەن تا کۆتایی دانیشتنەکان، بە شێوەیەکی کاتی لە زیندان ئازاد کرا.
تا کاتی نووسینی ئەم ڕاپۆرتە هیچ زانیارییەک لەبارەی هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
ڕۆژی چوارشەممە ٢٩ی خەرمانانی ١٤٠٢، ئاکۆ ئەفراسیابی لە کاتی هەڵکوتانە سەر ماڵەکەی لە دیواندەرە لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.
