موحسین قادرڕەش و ئومید قادرنژاد بە دانانی بارمتە و بە شێوەی کاتی و تا کۆتایی هاتنی لێکۆڵینەوە لە زیندانی میاندواو ئازاد کران.
بەپێی ڕاپۆرتی کۆڵبەرنیوز، موحسین قادرڕەش و ئومید قادرنژاد لە زیندانی میاندواو ئازاد کران.
بەپێی ئەم ڕاپۆرتە ئازادی ئەو هاوڵاتیانە ڕۆژی دووشەمە ٢٥ی گوڵانی ١٤٠٣، هەردووکیان بە دانانی بارمتەی ٥٠٠ ملیۆن تمەن بوە.
موحسین قادرڕەش و ئومید قادرنژاد لە ٢٩ی خاکەلێوەی ١٤٠٣، پاش بانگهێشتی بۆ ئیتلاعاتی سوپای پاسدارانی شاری میاندواو دەستبەسەر و بۆ زیندانی ئەم شارە گوازرانەوە.
پێشتریش ڕاگەیندرابو کە بانگهێشت و دەستبەسەری ئەم هاوڵاتیانە بەهۆی بەشداری لە ڕێوڕەسمەکانی نەورۆز ڕوویداوە.
موحسین قادرڕەش ٣٠ ساڵە کوری خدر و ئومید قادرنژاد ٢٨ ساڵە کوڕی مەحمود، خەڵکی گوندی «حاجی حەسەن» سەربە شاری میاندواون.
