لوقمان زەنگی، هاووڵاتی شاری شنۆ بەبارمتەی کاتی ٢٠٠ ملیۆن تمەن تا کۆتایی لێکۆڵینەوە لە گرتوخانە ئازاد کرا.
بەپێی ڕاپۆرتی کۆڵبەرنیوز شەمە ١٤ی ڕەزبەری ١٤٠٣ لوقمان زەنگی، هاووڵاتی گوندی کانی سورەک لە شاری شنۆ بەبارمتەی کاتی و تا کۆتایی لێکۆڵینەوە لە گرتوخانەی ئەم شارە ئازاد کرا. بەپێی ئەم ڕاپۆرتە ناوبراو لە ڕۆژانی ڕابردوودا پاش تەواوبوونی لێکۆڵینەوە لە گرتوخانەیەکی ئەمنی ورمێ بۆ گرتوخانەی شنۆ گواسترابوو و لە ماوەی دەستبەسەریدا لە پارێزەر و بینینی بنەماڵەکەی بێبەش بووە.
ناوبراو لە چوارشەمە ١٤ی خەرمانانی ١٤٠٣ بەبێ بڕیاری دادگا لەلایەن هێزەکانی ئەمنی شنۆ دەستبەسەرکرا و بۆ شوێنێکی نادیار گواسترایەوە. تاکاتی نووسینی ئەم ڕاپۆرتە لە هۆکارەکانی دەستبەسەری و تۆمەتەکانی دژی ناوبراو زانیاریەک لەبەردەستدا نییە.
