عادل کاکە، هاووڵاتی شاری مهاباد پاش تەواوبوونی لێکۆڵینەوە لە گرتوخانەیەکی ئەمنی ورمێ بۆ گرتوخانەی مهاباد گواسترایەوە.
بەپێی ڕاپۆرتی کۆڵبەرنیوز لە ڕۆژانی ڕابردوودا، عادل کاکە هاووڵاتی ٢٣ ساڵان خەڵکی گوندی دۆستالی لە مهاباد، پاش تەواوبوونی لێکۆڵینەوە لە گرتوخانەیەکی ئەمنی ورمێ بۆ گرتوخانەی مهاباد گواسترایەوە. بەپێی ئەم ڕاپۆرتە ناوبراو لە ماوەی دەستبەسەری لە هەبوونی پارێزەر بێبەش بووە.
سێشەمە ١٣ی خەرمانانی ١٤٠٣ عادل کاکە، لەلایەن هێزەکانی ئەمنی مهاباد دەستبەسەرکرا و بۆ شوێنێکی نادیار گواسترابوو. هێزەکانی ئەمنی بەبێ بڕیاری دادگا ناوبراویان دەستبەسەرکردبوو. تاکاتی نووسینی ئەم ڕاپۆرتە لە هۆکارەکانی دەستبەسەری و تۆمەتەکانی دژی ناوبراو زانیاریەک لەبەردەستدا نییە.
