کەیوان ڕەشوزادە و کامران قاسمی، ٢ بەندکراوی سیاسی کورد بەشێوەی مەرجدار و پاش ٥ ساڵ بەندی تەعزیری لە گرتوخانەی ناوەندی ورمێ ئازاد کران.
بەپێی ڕاپۆرتی کۆڵبەرنیوز شەمە ١٤ی ڕەزبەری ١٤٠٣، ٢ بەندکراوی کورد لە گرتوخانەی ناوەندی ورمێ بەناسنامەی کەیوان ڕەشوزادە و کامران قاسمی، لە یەک بەڵگەی هاوبەش سزادرابوون، پاش ٥ ساڵ بەندی تەعزیری بەشێوەی مەرجدار ئازاد کران.
کەیوان ڕەشوزادە و کامران قاسمی، ٢ بەندکراوی سیاسی کورد لە ١٦ی ڕەزبەری ١٣٩٨ لەگەڵ ٣ هاووڵاتی دیکە لە ورمێ دەستبەسەرکران و بۆ گرتوخانەی ئیدارەی ئیتلاعاتی ورمێ گواسترانەوە. کەیوان ڕەشوزادە لە ٨ی گوڵانی ١٤٠٣ بۆ ماوەیەک مانگرتنی لە خواردن کرد و بەهۆیەوە لەلایەن پاسەوانی گرتوخانە، لێدان و ئەشکەنجە کرا. کامران قاسمی لە ٤ی ڕەزبەری ١٤٠٣ لە ناڕەزایەتی بە دۆخی خراپی گرتوخانە و دژایەتی لەگەڵ مۆڵەتەکەی، مانگرتنی لە خواردن کردبوو.
