فەرەیدوون سوڵتانی، هاوڵاتی شاری تیکاب بە دانانی بارمتەی بە شێوەی کاتی لە گرتووخانەی ئیدارەی ئیتلاعاتی ورمێ ئازاد کرا.
بەپێی ڕاپۆرتی کۆڵبەرنیوز، ڕۆژی چوارشەممە ١٤ی سەرماوەزی ١٤٠٣ فەرەیدوون سوڵتانی، هاوڵاتی شاری تیکاب بە دانانی بارمتەی ٤٠٠ ملیۆن تمەنی بە شێوەی کاتی تا کۆتایی پرۆسەی یاسایی لە گرتووخانەی ئیدارەی ئیتلاعاتی ورمێ ئازاد کرا.
فەرەیدوون سوڵتانی، لە ٢ی سەرماوەز پاش بانگهێشتی بۆ ئیدارەی ئیتلاعاتی تیکاب دەستگیر کرا و پاش ماوەیەک بۆ گرتووخانەی ئیدارەی ئیتلاعاتی ورمێ گواسترابوو. تا کاتی نووسینی ئەم ڕاپۆرتە زانیارییەک لەسەر ئەو تۆمەتانەی ئاراستەی ئەم هاوڵاتییە کراون لەبەردەستدا نییە.
