ئەمیر محەمەدخانی، بەندکراوی سیاسی خەڵکی شاری دیواندەرە، پاش تێپەڕینی ٢٨ ڕۆژ لە دەستبەسەرکرانی بە دانانی بارمتە و بە شێوەی کاتی لە گرتووخانە ئازادکرا.
بەپێی ڕاپۆرتی کۆڵبەرنیوز ڕۆژی سێشەممە ٤ی بەفرانباری ١٤٠٣ ئەمیر محەمەدخانی، بەندکراوی سیاسی خەڵکی شاری دیواندەرە پاش تێپەڕینی ٢٨ ڕۆژ لە دەستبەسەرکرانی ، لەلایەن هێزە ئەمنیەکانەوە بە دانانی بارمتە ی ٥٠٠ ملیۆن تمەن و بە شێوەی کاتی لە گرتووخانە ئازادکرا.
ئەم هاوڵاتیە ڕۆژی چوارشەممە ٧ی سەرماوەز لەلایەن هێزە ئەمنیەکانەوە دەستبەسەرکرابوو. بەپێی ئەم ڕاپۆرتە، هێزە ئەمنیەکان بەبێ بڕیاری دادوەر لە شوێنی کارەکەی دەستبەسەریان کردبوو.
