بە تێپەڕینی ٥ ڕۆژ لە دەستبەسەری پارسا ڕۆستەمی، لاوێکی تەمەن ١٧ ساڵ خەڵکی شاری سنە لە پێوەندی لەگەڵ مانگرتنی کاسبکاران و بازاڕدارانی شارەکانی کوردستان لە ناڕەزایەتی دژی سزای سێدارەدان ئەنجامدرا، هێشتا چارەنووسی ئەم لاوە ناڕوونە.
بەپێی ڕاپۆرتی کۆڵبەرنیوز ڕۆژی چوارشەممە سێی ڕێبەندانی ١٤٠٣ پارسا ڕۆستەمی، لاوێکی تەمەن ١٧ ساڵ خەڵکی شاری سنە لە پێوەندی لەگەڵ مانگرتنی کاسبکاران و بازاڕدارانی شارەکانی کوردستان لە ناڕەزایەتی دژی سزای سێدارەدان ئەنجامدرا، لەلایەن هێزە ئەمنییەکانی سنەوە دەستبەسەر کرا و بۆ شوێنێکی نادیار گواسترایەوە. بە تێپەڕینی ٥ ڕۆژ لە دەستبەسەری ئەم لاوە هێشتا چارەنووسی ناڕوونە. ناڕوونی لە دۆخی ئەم هاوڵاتییە نیگەرانییەکانی بنەماڵەکەی زیاتر کردووە. بەپێی ئەم ڕاپۆرتە هێزە ئەمنییەکان بەبێ بڕیاری دادوەر و بە شێوەیەکی توندوتیژانە ئەم هاوڵاتییەیان دەستبەسەر کردووە.
تا کاتی نووسینی ئەم ڕاپۆرتە هۆکارەکانی دەستبەسەری، شوێنی مانەوە و تۆمەتەکانی دژی ناڕوونە. ڕۆژی چوارشەممە سێی ڕێبەندانی ١٤٠٣ بازاڕداران و کاسبکارانی شارەکانی کوردستان وەکو سنە، سەقز، کامێران، بۆکان، مهاباد، شاباد، کرماشان، دیواندەرە و بۆکان لە ناڕەزایەتی دژی سزای سێدارەدان چالاکییەکانی ڕۆژانەی خۆیان ڕاگرت و دەستیان بە مانگرتن کرد.
