محەممەدئەڵڵا ڕەزایی، هاووڵاتی دانیشتووی دێولان، ٣٤ ڕۆژە لەلایەن هێزەکانی ڕژیم لەم شارەدا دەستبەسەرکراوە و هێشتا شوێنی مانەوەی ناوبراو نادیارە. نادیاری لە دۆخی ئەم هاووڵاتییە، بنەماڵە و کەسوکاری ناوبراوی نیگەران کردووە.
بەپێی ڕاپۆرتی کۆڵبەرنیوز، محەممەدئەڵڵا ڕەزایی هێشتا دەستبەسەرە. محەممەدئەڵڵا ڕەزایی ٣٤ ڕۆژە لەلایەن هێزەکانی ڕژیم دەستبەسەرکراوە و تا ئێستا شوێنی مانەوەی ناوبراە نادیارە. ئەم هاووڵاتییە لە کاتی دەستبەسەرکرانی تا ئێستا لە هەبوونی پارێزەر و بینینی بنەماڵەکەی بێبەش بووە.
سەرەڕای بەدواداچوونەکانی بنەماڵەی ناوبراو، ناوەندەکانی دادوەری و ئەمنی تا ئێستا لەبارەی شوێنی مانەوە یان دۆخی ئەم هاووڵاتییە وەڵامیان نەداوەتەوە. نادیاری لە دۆخی ناوبراو، بنەماڵە و کەسوکارەکەی نیگەران کردووە.
محەممەدئەڵڵا ڕەزایی ڕۆژی شەممە ٢١ی پووشپەڕی ١٤٠٤، لەلایەن هێزەکانی ڕژیم لە دێولان دەستبەسەرکراوە.
تا کاتی نووسینی ئەم ڕاپۆرتە، هۆکارەکانی دەستبەسەرکران و تۆمەتەکانی دژی محەممەدئەڵڵا ڕەزایی نادیارە.
محەممەدئەڵڵا ڕەزایی، هاووڵاتی خەڵکی سنە و دانیشتووی شاری دێولانە.
