یونس قادری کۆلبەرێکی گەنجی تەمەن ١٩ ساڵ خەڵکی شاری سەقز بە تەقەی ڕاستەوخۆی هێزەکانی هەنگی مەرزی لە ناوچەی سنووری هەنگەژاڵەی بانە لاقی بە سەختی بریندار بوو.
بەپێی ڕاپۆرتی کۆلبەرنیوز، ڕۆژی یەکشەممە ٢١ی ڕەزبەری ١٤٠٢، یونس قادری کۆلبەری تەمەن ١٩ ساڵ خەڵکی شاری سەقز بە تەقەی ڕاستەوخۆی هێزەکانی هەنگی مەرزی لە ناوچەی سنووری هەنگەژاڵەی بانە لە لاقی بە سەختی برینداربوو. بەپێی ئەم ڕاپۆرته یونس قادری کە لاقی بریندار بووە، بەمەبەستی چارەسەر بۆ نەخۆشخانەی سەلاحەدین ئەیوبی له شاری بانه گواستراوەتەوە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە و برینداربوون. لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
