پاسەوانی سنووری عێراق “حرس الحدود” کۆڵبەرێکی خەڵکی شاری سەردەشتیان دەستبەسەر و لێدان و ئەشژەنجەیان دا.
بەپێی زانیارییەکانی کۆڵبەرنیوز، پێنجشەمەمە ٢٤ی ڕەشەممەی ١٤٠٢، هێزەکانی پاسەوانی سنووری عێراق دوای دەستبەسەرکردنی کۆڵبەرێک لە هێڵی سنووری “کێلە”ی بانە لێدان و ئەشکەنجەیان کرد. ناسنامەی ئەم کۆڵبەرە «ئەحمەد نەبی زادگان» خەڵکی شاری سەردەشتە.
بەپێی هەواڵەکە، زیاتر لە ١٠ کەسی هێزەکانی پاسەوانی سووری عێراق هێرشیان کردۆتە سەر ئەم کۆڵبەرە و لێدان و ئازارێکی زۆریان داوە.
ناوبراو لە “دەست و دەموچاوی” بە سەختی برینداربووە.
بەپێی ئەو ئامارانەی ٢٠٢٣ لە کۆڵبەرنیوز تۆمارکراون، ٢٩٩ کۆڵبەر لە سنورەکان و ڕێگای نێوان ئازەربایجانی ڕۆژئاوا، کوردستان و کرماشان بە هۆکاری وەک تەقەی ڕاستەوخۆی هێزەکانی ڕژێم، هەرەسی ڕەنوو، بەستەڵەک، کەوتنە سەر مین، کەوتنە خوار لە شاخ، بەرزایی و حاڵەتی دیکە کوژران و بریندار بوون. لەم ژمارەیە ٣٢ کۆڵبەر (١١%) کوژران و ٢٦٧ کۆڵبەر (٨٩%) بریندار بوون. بە گشتی ٢٩٩ کۆڵبەر کە کوژران و بریندار بوون، ٢٦١ حاڵەت (٨٧%) بە تەقەی ڕاستەوخۆی هێزەکان بووە. بە گشتی ٢٩٩ کۆڵبەر کە کوژران و بریندار بوون، ٣٠ لەوانە منداڵی خوار ١٨ ساڵن.
