لە ئاکامی بۆسە و تەقەی ڕاستەوخۆی هێزەکانی هەنگی مەرزی لە سنووری تەتەی هەورامان، کۆڵبەرێک کوژرا و چەند کۆڵبەری دیکەش بریندار بوون.
بە پێی ڕاپۆرتی کۆڵبەرنیوز، ئەمڕۆ ٩ی ڕەزبەری ١٤٠٢، لە ئاکامی بۆسە و تەقەی ڕاستەوخۆی هێزەکانی هەنگی مەرزی لە کۆڵبەران لە سنووری تەتە، لە نزیکی ئاوایی “دەرەکی”هەورامان، کۆڵبەرێک کوژرا و چەند کۆڵبەری دیکەش برینداربوون.
تا کاتی نووسینی ئەم هەواڵە، لە ناسناوی ئەو کۆڵبەرانە هیچ زانیاریەک بەردەست نیە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
