ڕۆژی چوارشه‌ممه ٣٠ی خاكه‌لێوه، كه‌یفه‌رخواستی چوار ئه‌ندامی ئه‌نجومه‌نی سنفی فه‌رهه‌نگیانی كوردستان- مه‌ریوان به‌ناوه‌كانی “ته‌حسین موسته‌فا”، “سه‌یوان سوله‌یمانی”، “ئارام محه‌ممه‌دی” و “ئارام قادری” ده‌ركرا و په‌روه‌نده‌كه‌یان بۆ دادگوسته‌ری مه‌ریوان گوازرایه‌وه.
به‌پێی ڕاپۆرته‌كان، ئه‌و چوار چالاكه سنفیه به تۆمه‌تی “ته‌بلیغ دژی نیزام” مه‌حكووم و دادسه‌رای گشتی و ئینقلابی مه‌ریوان داوای ده‌ركردنی حوكمی ده‌ستبه‌سه‌ركرانی ئه‌و چوار كه‌سی كردووه. “ته‌حسین موسته‌فا”، “سه‌یوان سوله‌یمانی”، “ئارام محه‌ممه‌دی” و “ئارام قادری” ڕۆژی پێنجشه‌ممه ٢٨ی جۆزه‌ردانی ١٤٠١ له‌لایه‌ن ناوه‌نده ئه‌منیه‌تیه‌كانه‌وه ده‌ستبه‌سه‌ر و ڕۆژی چوارشه‌ممه ١٩ ڕێبه‌ندان به مه‌به‌ستی لێپرسینه‌وه بانگهێشتی دادسه‌رای مه‌ریوان كرابوون.
