خەبات دێهدار بەندکراوی سیاسی پێشوو، چالاکی مەدەنی و کرێکاری شاری سنە کە لەلایەن هێزە ئەمنییەکانی ئەم شارە دەستبەسەر کرابوو، بە دانانی بارمتەی ٢٠٠ میلیۆن تمەن لە زیندان ئازاد کرا.
بەپێی ڕاپۆرتی کۆلبەرنیوز، بەرەبەیانی ڕۆژی شەممە ٨ی ڕەزبەری ١٤٠٢، خەبات دێهدار، زیندانی سیاسی پێشوو، چالاکی مەدەنی و کرێکاری پێشووی شاری سنە، کە لەگەڵ ڕامیار دێهداری برای لەلایەن هێزە ئەمنییەکانی شاری سنەوە دەستبەسەر کرابوو، بە کەفالەتی ٢٠٠ ملیۆن تمەن بە شێوەی کاتی و تا کۆتایی دانیشتنەکان، لە زیندان ئازاد کرا.
ڕۆژی سێشەممە ٢٨ی خەرمانانی ١٤٠٢، خەبات دێهدار زیندانی سیاسیی پێشوو و ڕامیار دێهداری برای، دوو چالاکی مەدەنی و کرێکاری شاری سنە لەلایەن هێزە ئەمنییەکانی ئەو شارە دەستبەسەر کرابوون. بەگوێرەی ئەم ڕاپۆرتە، هێزە ئەمنییەکان هەڵیانکوتایە سەر ماڵی تایبەتی ئەو دوو هاووڵاتییە و بە پەنابردن بۆ توندوتیژی دەستبەسەر و دەستیان بەسەر کەلوپەلی شەخسیی ئەواندا گرتووە.
