ڕۆژی سێشەممە ١ی ڕەشەممەی١٤٠٢، هاووڵاتییەکی خەڵکی شاری سنە بەناوی “زانا مێنبەری” لەلایەن هێزەکانی ئیتلاعاتی ئەو شارەوە دەستبەسەرکرا.
بەپێی ڕاپۆرتی گەیشتوو بە کۆڵبەرنیوز، ڕۆژی سێشەممە ١ی ڕەشەممەی ١٤٠٢، “زانا مێنبەری” ٢٣ساڵ تەمەن و خەڵکی شاری سنە و خوشکەزای “پەیمان مێنبەری”، یەکێک لە گیانبەختکردووانی شۆڕشی ژینا لە سنە، بە بێ هیچ بەڵگەیەکی دادوەری لەلایەن ئیدارەی ئیتلاعاتەوە دەستبەسەرکرا.
شایانی باسە کە تا کاتی نووسینی ئەم ڕاپۆرتە لە هۆکاری دەستبەسەرکران و ئەو تۆمەتانەی خراونەتە پاڵ ئەم هاووڵاتییە، هیچ زانیاریەک بەردەست نییە.
