کامران ساختمانگەر، چالاکی کرێکاری و یەکێک لە دەستبەسەرکراوەکانی ناڕەزایەتییە سەرتاسەرییەکانی ساڵی ١٤٠١، لەلایەن لقی یەکەمی دادگای ئینقلابی شاری سنەوە حوکمی غەرامەی بەسەردا سەپێندرا.
بەپێی ڕاپۆرتی کۆڵبەرنیوز، بە پشتبەستن بە حوکمی لقی یەکی دادگای ئینقلابی سنە لە ٢٧ی خەرمانانی ١٤٠٢ دەرچوەو و ڕادەستی کامران ساختمانگەر چالاکی کرێکاری کراوە، حوکمی ٣ مانگ زیندانی و غەرامەی بەسەردا سەپێندرا. ناوبراو بە تۆمەتی “چالاکی دژی نیزام لە ڕێگەی سۆشیال میدیا و چاوپێکەوتن لەگەڵ کەناڵە تەلەفزیۆنییەکان” بە ٣ مانگ زیندان و غەرامە کرا. لەسەر بنەمای بڕوانامەی پزیشکی دادوەری لە دۆسیەی پێشوویدا، سزای ٣ مانگ زیندانییەکەی گۆڕدرا بۆ غەرامە و بە کۆی گشتی ٣٤ ملیۆن تمەن سزای بەسەردا سەپێندرا.
ئەو بڕیارە دەرچووە دەتوانرێت لە دادگاکانی پێداچوونەوەی پارێزگاکە بۆ ماوەی ٢٠ ڕۆژ تانە بدرێت.
