به‌پێی هه‌واڵی گه‌یشتوو، به‌كرێگیراوانی كۆماری ئیسلامی له شاره جۆراوجۆره‌كانی ڕۆژهه‌ڵاتی كوردستان ده‌ستیان داوه‌ته تێكدانی مه‌زاری گیانبه‌ختكردووانی ڕێگای ئازادی و به‌ردی سه‌ر قه‌بره‌كانیان ده‌شكێنن.
له نوێترین ڕاپۆرتی گه‌یشتوو له مهاباده‌وه به‌كرێگیراوانی ڕژیم به‌ردی سه‌ر قه‌بری هاوڕێ گیانبه‌ختكردوو “زانیار ئه‌بووبه‌كری”یان شكاندووه و پێشتریش ئه‌و كاره نامرۆڤانه‌یان به‌سه‌ر چه‌ند مه‌زاری دیكه‌ی قوربانیانی ئه‌و شاره دا هێنابوو. به‌وته‌ی هاووڵاتیان، ڕژیمی كۆماری ئیسلامی ته‌نانه‌ت له‌و دروشمانه‌ی له‌سه‌ر گڵكۆی ئه‌و هه‌میشه زیندوونه نوسراوه ده‌ترسێت. شایانی باسه كه “زانیار ئه‌بووبه‌كری” له مانگی خه‌زه‌ڵوه‌ری ١٤٠١ و له ڕه‌وتی شۆرشی “ژینا” له‌لایه‌ن جه‌نایه‌تكارانی ڕژیمه‌وه كوژرا.
