کۆلبەرێکی خەڵکی گوندی “گۆشخانی” سەر بە ناوچەی سنووری “ئەنجیران”ی شاری مەریوان بە تەقەی ڕاستەوخۆی هێزەکانی هەنگی مەرزی بریندار بوو.
بەپێی ڕاپۆرتی کۆڵبەرنیوز، لە چەند ڕۆژی ڕابردوودا، کۆڵبەرێکی خەڵکی گوندی گۆشخانی سەر بە ناوچەی سنووری ئەنجیران لە شاری مەریوان بە تەقەی ڕاستەوخۆی هێزەکانی هەنگی مەرزی لە دەستیەوە بە سەختی بریندار بووە.
ناسنامەی ئەم کۆڵبەرە “ئەمیر کەریمی”، تەمەنی ٤٠ ساڵە، خەڵکی گوندی “گۆشخانی” لە بەشی ناوەڕاستی سەوڵاوایە لە پارێزگای کوردستان.
بەپێی ئەم ڕاپۆرته، ناوبراو که دەستی بریندار بووه، بەهۆی سەختی برینەکەی بۆ نەخۆشخانەیەکی تاران گوازرایەوه و دوو نەشتەرگەری بۆ کراوە و تا ئێستاش لەم نەخۆشخانەیەدا ماوه.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
