سنور فەرشادفەر، هاووڵاتییەکی تەمەن ٣٤ ساڵەی خەڵکی شاری مەهاباد، لە ماوەی هەفتەی ڕابردوودا چەندین جار لە پێوەندی لەگەڵ بزووتنەوەی شۆڕشگێڕانەی ژینا بانگهێشتی ئیدارەی ڕاگەیاندنی شاری مەهاباد کراوە.
بە پێی ڕاپۆرتی کۆڵبەرنیوز، سنور فەرشادفەر، هاووڵاتییەکی تەمەن ٣٤ ساڵەی خەڵکی شاری مەهاباد، لە ماوەی حەوتووی ڕابردوودا چەندین جار لە پێوەندی لەگەڵ بزووتنەوەی شۆڕشگێڕانەی ژینا بانگهێشتی ئیدارەی ڕاگەیاندنی شاری مەهاباد کراوە.
بەگوێرەی ئەم ڕاپۆرتە، هێزە ئەمنییەکان هەڕەشەیان لە سنور فەرشادفەر کردووە کە ئەگەر هاوکاریان نەکات، ئەوا “دۆسیەیەک” لەدژی دروست دەکەن و ڕادەستی دەسەڵاتی دادوەری دەکەن.
تا ساتی ئامادەکردنی ئەم ڕاپۆرتە هیچ زانیارییەک لەبارەی وردەکاری لێپرسینەوە و تۆمەتەکانی ئەم هاوڵاتییە لەبەردەستدا نییە.
