ئارمان نیکپەی، هاووڵاتیی خەڵکی شاری مەریوان، زیاتر لە دوو هەفتەیە لەلایەن هێزە حکوومەتییەکانەوە دەستبەسەر کراوە و تاکوو ئێستاش چارەنووسی ناڕوونە.
بەپێی ڕاپۆرتەکان؛ ئارمان نیکپەی، هاووڵاتیی خەڵکی گوندی “نێ”ی سەر بە شاری مەریوان، ماوەی ١٥ ڕۆژە لەلایەن هێزە حکوومەتییەکانەوە دەستبەسەر کراوە و تا ئێستاش هیچ زانیارییەک لەسەر چارەنووسی لە بەردەستدا نییە و بەدواداچوونی بەردەوامی بنەماڵەکەشی هیچ ئاکامێکی نەبووە.
ئارمان نیکپەی، ڕۆژی پێنجشەممە، ٢٢ی پووشپەڕی ٢٧٢٤، بەبێ هیچ بەڵگەنامەیەکی دادوەری و یاسایی لە ماڵەکەی لەلایەن هێزە حکوومەتییەکانەوە دەستبەسەر کراوە.
شایانی باسە هێزەکانی ئیدارەی ئیتلاعات دەستیان بەسەر مۆبایلی ئەو هاووڵاتییەدا گرتووە و لە ڕێگەی لاپەڕەی تۆڕە کۆمەڵایەتییەکانی ئارمانەوە نامەیان بۆ چەند کەسێک ناردووە و لە هەوڵی ئەوەدان کە دۆسیەی بۆ ساز بکەن.
