“حاجی بەرزە” هاووڵاتیی خەڵکی شاری پیرانشار بە دانانی بارمتە و تا کۆتایی پرۆسەی دادگا بەشێوەیەکی کاتی لە زیندان ئازاد کرا.
بەپێی ڕاپۆرتی کۆڵبەرنیوز، ڕۆژی دووشەمەمە ٧ی جۆزەردانی ١٤٠٣، “حاجی بەرزە” هاووڵاتیی خەڵکی شاری پیرانشار بە دانانی بارمتەی دوو ملیارد و پێنج سەد ملیۆن تمەن بە شێوەیەکی کاتی و تا کۆتایی پرۆسەی دادگا لە زیندانی شاری نەغەدە ئازادکرا.
بەپێی ئەم ڕاپۆرتە، حاجی بەرزە پاش کۆتایی هاتنی لێکۆڵینەوە لە گرتووخانەی ئیدارەی ئیتلاعاتی شاری ورمێ بۆ زیندانی شاری نەغەدە گواسترابوویەوە.
تا کاتی نووسینی ئەم هەواڵە لە هۆکارەکانی دەستبەسەرکران و تۆمەتەکانی دژی ئەم هاووڵاتییە زانیارییەک لە بەردەستدا نییە.
حاجی بەرزە لە ڕۆژی چوارشەممە ١٩ی گوڵانی ١٤٠٣، لەلایەن هێزە ئەمنییەکانی شاری پیرانشار دەستبەسەر و بۆ شوێنێکی نادیار گواسترابوویەوە.
