حوسێن مەحموودپوور، هاووڵاتی گوندی “گەرگول سەفلی”، سەربە شاری پیرانشار، پاش تێپەڕبوونی زیاتر لە ٨٠ ڕۆژ بەسەر دەستبەسەرکرانیدا، تا ئێستاش لە زیندانی نەغەدە دەستبەسەر و چارەنووسی نادیارە.
بەپێی ڕاپۆرتی کۆڵبەرنیوز، حوسێن مەحموودپوور، هاووڵاتی خەڵکی گوندی “گەرگول سەفلی”، لە شاری پیرانشار، پاش تێپەڕبوونی زیاتر لە ٨٠ ڕۆژ بەسەر دەستبەسەرکرانیدا، تا ئێستاش دەستبەسەرە و لە زیندانی نەقدەدایە. بەپێی ئەم ڕاپۆرتە، ئەم هاوڵاتییە لەکاتی دەستبەسەرکردنیدا، لە چاوکەوتن بە پارێزەر مەحرووم کراوە.
ڕۆژی سێشەممە ڕێکەوتی ٢٤ی گەلاوێژی ١٤٠٢، حوسێن مەحموودپوور، تەمەن ٤٦ ساڵ، هاووڵاتی خەڵکی گوندی “گەرگول سەفلی” سەر بە شاری پیرانشار، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرابوویەوە. ئەم هاوڵاتییە دوای یەک مانگ لێپرسینەوە لە گرتووخانەی ئەمنی بۆ زیندانی نەغەدە گوازرابوویەوە.
حوسێن مەحموودپوور چەندین جار لە ڕێگەی تەلەفۆنەوە لەلایەن دەزگا ئەمنییەکانەوە بانگهێشت و هەڕەشەی لێکرابوو.
تا کاتی نووسینی ئەم ڕاپۆرتە هیچ زانیارییەک لەبارەی هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
