بەپێی ڕاپۆرتی کۆڵبەرنیوز، ڕۆژی دووشەممە ١٧ی ڕەزبەری ١٤٠٢، کۆڵبەرێکی خەڵکی جوانڕۆ بە تەقەی ڕاستەوخۆی هێزەکانی هەنگی مەرزی لە سنووری نەوسوود بریندار کرا.
بەپێی ئەم ڕاپۆرتە، ناسناوی ئەو کۆڵبەرە “موحسین وەلیۆڵاهی” و خەڵکی جوانڕۆ ڕاگەیندراوە.
شایانی باسە ئەو کۆڵبەرە بە هۆی سەختی برینەکانییەوە ڕاگوێزی ناوەندە دەرمانییەکان کراوە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
