عەبدوڵا قەنبەری وەند و مەحموود قەنبەری وەند ٢ هاووڵاتی شاری پیرانشار بۆ سزای بەندکردنیان دەستبەسەرکران و بۆ گرتوخانەی نەغەدە گوازرانەوە.
بەپێی ڕاپۆرتی کۆڵبەرنیوز شەمە ١٧ی خەرمانانی ١٤٠٣ عەبدوڵا قەنبەری وەند و مەحمود قەنبەری وەند، بۆ سزای بەندکردنیان دەستبەسەرکران و بۆ گرتوخانەی نەغەدە گوازرانەوە.
لە گوڵانی ١٤٠٢ لقی ١٠٢ی دادگای ٢ی پیرانشار بەسەرۆکایەتی دادوەر ڕەزا قارەمانی ساعتلو، عەبدوڵا قەنبەری وەند، بەهۆی بەشداری لە سازکردنی ٢٠ دانە مادەی ناریەی دەستساز کۆکتێلی مۆلۆتۆف، بە ٦ مانگ بەندی تەعزیری و ٢٠٠ هەزار تمەن سزای نەقدی سزادرا و مەحمود قەنبەری وەند بەهۆی بەشداری سازکردنی چەکێکی ساچمەیی، بە ١٥ مانگ و ڕۆژێک بەندی تەعزیری، بەهۆی بەشداری لە سازکردنی ٢ چەکی دەستسازی جەنگی، بە ٧ ساڵ و ٦ مانگ و ڕۆژێک بەندی تەعزیری، بەهۆی بەشداری لە پاراستنی ٣ گوللەی جەنگی، ٣ ساڵ و ٦ مانگ و ڕۆژێک بەندی تەعزیری و بەهۆی بەشداری لە سازکردنی ٢٠ دانە مادەی ناریە دەستسازی کۆکتێل مۆلۆتۆف، بە ١٥ مانگ و ڕۆژێک بەندی تەعزیری سزادرا. عەبدوڵا قەنبەری وەند و مەحمود قەنبەری وەند ٢ هاووڵاتی شاری پیرانشار لە ٨ی بەفرانباری ١٤٠١، لەلایەن هێزە ئەمنیەکان دەستبەسەرکران و بۆ گرتوخانەی ئیدارەی ئیتلاعاتی ورمێ و پاشان بۆ گرتوخانەی نەغەدە گوازرابوون. پاشتر بە بارمتەی کاتی ئازاد کران.
