بە تێپەڕبوونی سێ ڕۆژ بەسەر دەستبەسەرکرانی «ئومید فەقەحسێن زادە» تا ئێستا لە چارەنووسی ناوبراو زانیارییەک لەبەردەستدا نییە.
بەپێی ڕاپۆرتی کۆڵبەرنیوز، ڕۆژی سێشەممە ٢٣ی ڕێبەندانی ١٤٠٣، «ئومید فەقەحسێن زادە» هاوڵاتی خەڵکی گوندی «قومقەڵا»ی سەر بە شاری مەهاباد لەلایەن هێزە ئەمنییەکانەوە دەستبەسەر و بۆ شوێنێکی نادیار گواستراوەتەوە. بە تێپەڕبوونی سێ ڕۆژ بەسەر دەستبەسەرکرانی ئەم هاوڵاتییەدا تا ئێستا لە چارەنووسی ناوبراو زانیارییەک لەبەردەستدا نییە. نەبوونی زانیاری لە دۆخی ئەم هاوڵاتییە نیگەرانییەکانی بنەماڵەی ناوبراوی زیاتر کردووە.
تا کاتی نووسینی ئەم ڕاپۆرتە، لە هۆکارەکانی دەستبەسەرکردن، شوێنی مانەوە و تۆمەتەکانی دژی ئەم هاوڵاتییە زانیارییەک لەبەردەستدا نییە.
«ئومید فەقەحسێن زادە» خێزاندارە و خاوەنی یەک منداڵە.
