بە تێپەڕینی ٤٨ ڕۆژ لە کاتی دەستبەسەری ئازاد ڕەحیمی هاووڵاتی سنە، هێشتا لە گرتوخانەی مەریوان دەستبەسەرە و نادیارە.
بەپێی ڕاپۆرتی کۆڵبەرنیوز ئازاد ڕەحیمی، ٣٢ ساڵان و هاووڵاتی سنە کە ٤٨ ڕۆژ پێشتر لەڕێگەی مەریوان بۆ سنە لەلایەن هێزە ئەمنیەکان دەستبەسەرکرابوو، هێشتا لە گرتوخانەی مەریوان دەستبەسەرە. بەپێی ئەم ڕاپۆرتە ناوبراو پاش دەستبەسەری لەلایەن هێزەکانی ئیتلاعاتی سوپا، سەرەتا بۆ ئیتلاعاتی سوپا گوازرایەوە و پاش ٢ هەفتە و کۆتایی لێکۆڵینەوە بۆ گرتوخانەی مەریوان گوازرایەوە.
شایانی باسە لێکۆڵینی بنەماڵەی ناوبراو بۆ زانینی چارەنووسی، تا ئێستا بێ ئەنجامە و هێزە ئەمنیەکان وەڵامی بنەماڵەکەی نادەنەوە. تاکاتی نووسینی ئەم ڕاپۆرتە لە هۆکاری دەستبەسەری و تۆمەتەکانی ناوبراو زانیاریەک لەبەردەستدا نییە.
