“سینا محەمەدی”، خوێندکاری زانکۆی کوردستان لەلایەن هێزە ئەمنییەکانەوە دەستبەسەرکرا و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز چوارشەمە ٢٨ی خەرمانانی ١٤٠٣، هێزە ئرمنییەکان هێرشیان کردە ماڵی سینا محەمەدی لە بلباناوای دێولان و ناوبراویان دەستبەسەرکرد. بەپێی ئەم ڕاپۆرتە هێزە ئەمنییەکان بە بەکارهێنانی توندوتیژی و لێدان و ئەشکەنجە ناوبراویان دەستبەسەرکرد و بۆ شوێنێکی نادیاریان گواستەوە. سینا محەمەدی تەمەن ٢٤ ساڵ و خوێندکاری بەشی کۆمەڵناسی زانکۆی کوردستانە.
تاکاتی نووسینی ئەم ڕاپۆرتە لە هۆکاری دەستبەسەرکردن و تۆمەتەکانی ناوبراو و شوێنی مانەوەی ناوبراو زانیارییەک لەبەردەستدا نییە.
سینا محەممەدی پێشینەی دەستبەسەرکرانی لەلایەن هێزە ئەمنییەکانیشەوە هەیە. ڕۆژی پێنجشەممە ١٧ی سەرماوەزی ١٤٠١ و لە کاتی بزووتنەوەی شۆڕشگێڕانەی ژینا دەستبەسەر و دوای ماوەیەک بە دانانی بارمتە ئازاد کرا.
