بە تێپەڕبوونی دوو هەفتە بەسەر دەستبەسەرکرانی «جەلال بایەزیدی»، هاوڵاتی خەڵکی شاری شنۆ و دانیشتووی شاری پیرانشار هێشتا تا ئێستاش هیچ زانیارییەک لەسەر چارەنووسی ناوبراو لەبەردەستدا نییە.
بەپێی ڕاپۆرتی کۆڵبەرنیوز ڕۆژی دووشەممە یەکی ڕێبەندانی ١٤٠٣، جەلال بایەزیدی، هاوڵاتی تەمەن ٣٥ ساڵ، خەڵکی شاری شنۆ و دانیشتووی شاری پیرانشار، لەلایەن هێزە ئەمنییەکانەوە دەستبەسەر و بۆ شوێنێکی نادیار گواستراوەتەوە. بەپێی ئەم ڕاپۆرتە هێزە ئەمنییەکان بەبێ بڕیاری دادوەر ئەم هاوڵاتیەیان لە شوێنی کارەکەیدا لە دووکانی گۆڕینی ڕۆن دەستبەسەرکردووە.
نەبوونی زانیاری لەسەر بارودۆخی ئەم هاوڵاتییە نیگەرانی بنەماڵەکەی زیاتر کردووە.
تا کاتی نووسینی ئەم ڕاپۆرتە هۆکارەکانی دەستبەسەرکردن، شوێنی مانەوە و تۆمەتەکانی دژی ئەم هاوڵاتییە زانیارییەک لەبەردەستدا نییە.
