زاهید شەهابی، هاوڵاتی شاری سەقز و کاروان دافعی، هاوڵاتی شاری مەریوان لەلایەن هێزەکانی ئیدارەی ئیتلاعاتەوە دەستبەسەرکران.
بەپێی ڕاپۆرتی کۆڵبەرنیوز، لە ٢ ڕۆژی ڕابردوودا، ٢ هاوڵاتی لە پەیوەست لەگەڵ بەڕێوەچوونی جەژنی نەورۆز لە شارەکانی مەریوان و سەقز لەلایەن هێزە ئەمنییەکانەوە دەستبەسەرکران.
ناسنامەی ئەم هاوڵاتییانە، زاهید شەهابی، هاوڵاتی شاری سەقز و کاروان دافعی، تەمەن ٢٥ ساڵ و خەڵکی شاری مەریوان، ڕاگەیەندراوە.
زاهید شەهابی، ڕۆژی دووشەمە ٤ی خاکەلێوە، لەلایەن هێزەکانی ئیدارەی ئیتلاعاتی شاری سەقزەوە دەستبەسەرکرا و بۆ گرتووخانەی ئیدارەی ئیتلاعاتی ئەم شارە گواسترایەوە. هاوکات تەلەفۆن و بەشێک لە کەلوپەلی تایبەتی ئەم هاوڵاتییە لەلایەن هێزە ئەمنییەکانەوە دەستی بەسەردا گیراوە.
دەستبەسەرکرانی کاروان دافعی، ڕۆژی یەکشەمە لە شاری مەریوان لەلایەن هێزەکانی ئیدارەی ئیتلاعاتەوە ئەنجامدراوە.
تا کاتی نووسینی ئەم ڕاپۆرتە، لە تۆمەتەکانی دژی ئەم هاوڵاتییانە زانیارییەک لەبەردەستدا نییە.
