بە تێپەڕبوونی ٤ ڕۆژ لە دەستبەسەرکردنی هیوا بەهین، هاوڵاتی خەڵکی شاری بۆکان هێشتا زانیاریەک لە چارەنووسی ناوبراو لەبەردەستدا نییە.
بەپێی ڕاپۆرتی کۆڵبەرنیوز ڕۆژی یەکشەمە ٤ی سەرماوەزی ١٤٠٣ هیوا بەهین، هاوڵاتی شاری خەڵکی بۆکان پاش بانگهێشت و ڕۆشتن بۆ ئیدارەی ئیتلاعاتی بۆکان دەستگیرکرا و بۆ شوێنێکی نادیار گواسترایەوە. بە تێپەڕبوونی ٤ ڕۆژ لە دەستبەسەرکردنی ئەم هاوڵاتیە، هێزە ئەمنیەکان لەبارەی چارەنووسی ناوبراو وەڵامی خێزانەکەی نادەنەوە.
تا کاتی نووسینی ئەم ڕاپۆرتە زانیاریەک لە هۆکارەکانی دەستبەسەرکردن، شوێنی مانەوە و تۆمەتەکانی دژی ئەم هاوڵاتیە لەبەردەستدا نییە.
