فەرزاد عەبدی، هاوڵاتی خەڵکی شاری دێلوڕان، لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی چوارشەمە ١٣ی خاکەلێوەی ١٤٠٤، فەرزاد عەبدی، لە شاری دێلوڕان دەستبەسەرکرا. بەپێی ئەم ڕاپۆرتە، هێزە ئەمنییەکان بەبێ بڕیاری دادوەر و بە لێدان و ئەشکەنجەدان، ئەم هاوڵاتییەی خەڵکی شاری پەهلەی سەربە شاری دێلوڕان دەستبەسەر کردووە.
لەم ڕاپۆرتەدا کە لە سەرچاوەیەکی ئاگادارەوە هاتووە؛ دەستبەسەرکرانی ئەم هاوڵاتییە پاش بەڕێوەچوونی ڕێوڕەسمی نەورۆزی لە شاری پەهلە ئەنجامدراوە.
تا کاتی نووسینی ئەم ڕاپۆرتە، زانیارییەک لە شوێنی مانەوە و تۆمەتەکانی دژی ئەم هاوڵاتییە بەردەست نییە.
