وریا نیزامی، پەرستار و هاووڵاتی دیواندەرە لەلایەن هێزەکانی ئەمنی سنە لە سنە دەستبەسەرکرا.
بەپێی ڕاپۆرتی کۆڵبەرنیوز چوارشەمە ١١ی ڕەزبەری ١٤٠٣ هێزەکانی ئەمنی ڕژیم لە سنە، هێرشیان کردە ماڵی وریا نیزامی، پەرستاری ٣١ ساڵان و خەڵکی دیواندەرە و دانیشتووی سنە، ناوبراو دەستبەسەرکرا و بۆ شوێنێکی نادیار گواسترایەوە.
ناوبراو لە نەخۆشخانەیەکی سنە کاری دەکرد و تائێستا بەتێپەڕبوونی ٥ ڕۆژ لە دەستبەسەری ناوبراو هیچ زانیاریەک لەبەردەستدا نییە.
