سەرەڕای تێپەڕبوونی چوار ڕۆژ بەسەر دەستبەسەرکرانی «سالار ساعدموچشی»، تا ئێستا لە چارەنووسی ناوبراو زانیارییەک لەبەردەستدا نییە. نەبوونی زانیاری لە دۆخی ئەم هاوڵاتییە نیگەرانییەکانی بنەماڵەکەی زیاتر کردووە.
بەپێی ڕاپۆرتی کۆڵبەرنیوز، ڕۆژی دووشەممە پازدەی ڕێبەندانی ١٤٠٣، سالار ساعدموچشی هونەرمەندی نیگارکێش، تەمەن ٢٦ ساڵ و خەڵکی شاری سنە، لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گواستراوەتەوە. سەرەڕای تێپەڕبوونی چوار ڕۆژ بەسەر دەستبەسەرکرانی ناوبراودا، تا ئێستا لە چارەنووسی ناوبراو زانیارییەک لەبەردەستدا نییە. نەبوونی زانیاری لە چارەنووسی ناوبراو نیگەرانییەکانی بنەماڵەکەی زیاتر کردووە.
بەپێی ئەم ڕاپۆرتە، هێزە ئەمنییەکان بەبێ بڕیاری دادوەر ئەم هاوڵاتییەیان دەستبەسەر کردووە.
تا کاتی نووسینی ئەم ڕاپۆرتە، لە هۆکارەکانی دەستبەسەرکردن، شوێنی مانەوە و تۆمەتەکانی دژی ئەم هاوڵاتییە زانیارییەک لەبەردەستدا نییە.
