بەرزین حەمزەزادە تەمەن ١٦ ساڵ، یەکێک لەو لاوانەی لە کاتی بزووتنەوەی شۆڕگێڕانەی ژینا دەستبەسەر کرابوو، کە بەهۆی لێدان و ئەشکەنجە لەلایەن هێزە ئەمنیەتییەکانی ڕژیمەوە تووشی برینی قوڵی بەشەکانی ناوەوەی جەستەی ببوو، دوای ١٣ مانگ بەرگری گیانی لەدەست دا.
بەپێی ڕاپۆرتی کۆڵبەرنیوز، ڕۆژی سێشەممە ١٢ی بەفرانباری ١٤٠٢، بەرزین حەمزەزادە تەمەن ١٦ ساڵ، یەکێک لەو لاوانەی لە کاتی بزووتنەوەی شۆڕشگێڕانەی ژینا دەستبەسەر کرابوو، کە بەهۆی لێدان و ئەشکەنجە لەلایەن هێزە ئەمنیەتییەکانی ڕژیمەوە تووشی برینی قوڵی بەشەکانی ناوەوەی جەستەی ببوو، دوای ١٣ مانگ بەرگری گیانی لەدەست دا. بەپێی ئەم ڕاپۆرته، بەرزین حەمزەزاده هەردوو گەرچیلەی بەهۆی ئه شکه نجەی هێزه ئەمنییەکان له دەست دابوو، هەروەها له ماوەی یەک ساڵی ڕابردوودا چەندین جار ئاستی هۆشیاری و کەم ببۆوە و بێهۆش ببوو. جێگای ئاماژەیە کە بەرزین حەمزەزادە لە کاتی نەشتەرگەری لە نەخۆشخانەی “خومەینی” لە ورمێ گیانی لەدەستدا.
بەرزین حەمزەزادە سەرەتای مانگی سەرماوەزی ١٤٠١ لەلایەن هێزە ئەمنییەکانی شاری سەردەشتەوە دەستبەسەر و بۆ ماوەی هەفتەیەک لەلایەن هێزە ئەمنییەکانی ڕژیمەوە ئەشکەنجە درا و دواجار دوای ماوەیەک لە گرتووخانە ئازاد کرابوو.
