بەهۆی داڕمانی شاخ و گیرانی ڕێگا لە بەرزاییەکانی ژاڵانە، زیاتر لە ٥٠ ئۆتۆمبێل گیریان خوارد.
بەپێی ڕاپۆرتی کۆڵبەرنیوز، ڕۆژی یەکشەممە ٥ی خاکەلێوەی ١٤٠٣، ڕووخانی شاخ لەسەر ڕێگای بەرزاییەکانی ژاڵانە، لەسەر میحوەری سەوڵاوا-هەورامان-پاوە بووەهۆی گیرخواردنی زیاتر لە ٥٠ ئۆتۆمبێل.
بەشێک لە سەرچاوە هەواڵییەکانی ڕژیم لە کردنەوەی ڕێگاکە و دەستپێکردنەوەی هاتوچۆیان لە دوای ڕووداوەکە ڕاگەیاند، بەڵام سەبارەت بە بڕی زیانەکان و ئەگەری زیانی گیانی ئەم ڕووداوە تا ئێستا هیچ ڕاپۆرتێک بڵاو نەکراوەتەوە.
هەروەها لەم ماوەی دواییدا چەند ڕاپۆرتێک سەبارەت بە داڕمانی چەندین جارەی ڕنوو لەم ڕێگایە بڵاوکرابۆوە.
