“حوسێن بورکە” لەلایەن دادگای ئینقلابی مەهابادەوە بە سێ ساڵ و شەش مانگ زیندان و یەک ساڵ دوورخرانەوە بۆ ورمێ مەحکووم کرا.
بەپێی ڕاپۆرتی کۆڵبەرنیوز، بەپێی ئەو حوکمەی کە لەم دواییانەدا لەلایەن دادگای ئینقلابی مەهابادەوە دەرچووە و لە زیندانی نەغەدە ڕادەستی “حوسێن بورکە” کراوە، ناوبراو بە گومانی «ئەندامبوون لە حیزبە ئۆپۆزسیۆنەکانی دژی نیزام» بە٣ ساڵ و ٦ مانگ زیندانی و ساڵێک دوورخرانەوە بۆ ورمێ مەحکووم کراوە.
“حوسێن بورکە” لە ١ی خەزەڵوەری ١٤٠٢، دوای ئامادەبوونی لە لقی لێکۆڵینەوەی دادگای پیرانشار دەستبەسەر و بۆ زیندانی نەغەدە گوازرایەوە. لە ٣ی خەزەڵوەری هەمان ساڵدا ئەم هاووڵاتییە لە زیندانی نەغەدە بۆ گرتووخانەی ئیدارەی ئیتلاعاتی ورمێ گواسترایەوە و پاش ماوەیەک بۆ زیندانی نەغەدە گوازرایەوە.
“حوسێن بورکە”، هاووڵاتی خەڵکی گوندی “سۆغانلو”ی سەر بە شاری پیرانشار، لە ناوەڕاستی مانگی ڕەزبەری ١٤٠٢، لەلایەن هێزە ئەمنییەکانەوە دەستبەسەر و پاش ماوەیەکی کەم ئازاد کرابوو.
