منداڵێکی کار کە ٢ مانگ لە کۆما بوو، بەهۆی سەختی برینەکەی، گیانی لەدەستدا.
بەپێی ڕاپۆرتی کۆڵبەرنیوز، مانی سادقی، منداڵێکی تەمەن ١٠ ساڵی خەڵکی شاری سنە کە لە ڕەشەمەی ساڵی ڕابردوو لە کاتی دەستفرۆشی لە یەکێک لە شەقامەکانی شار بەهۆی ڕووداوی هاتووچۆ ڕۆشتبووە کۆما دوای ٢ مانگ مانەوە لە نەخۆشخانە گیانی لەدەستدا.
بەداخەوە هەوڵەکانی پزیشکان بۆ ڕزگارکردنی ژیانی ئەم منداڵە بێ ئەنجام بووە و ناوبراو دوای ٢ مانگ لە کۆما، لە ڕۆژی شەمە ٢٧ی خاکەلێوەی ١٤٠٣ گیانی لەدەستدا.
کۆچی دوایی مانی سادقی جارێکی دیکە پێویستی ڕێوشوێنی جددی و بەپەلە بۆ پاراستنی منداڵان و ڕێگریکردن لە کارکردنی منداڵان لەسەر شەقامەکان نیشان دەدات.
