گەلاوێژ محەمەدی ئەرشەد، هاووڵاتی خەڵکی شاری مهاباد بۆ تێپەڕاندنی سزاکەی دەستبەسەرکرا و بۆ گرتووخانەی ورمێ گواسترایەوە.
بە پێی ڕاپۆرتی کۆڵبەرنیوز، ڕۆژی یەکشەممە ٢٣ی بەفرانباری ١٤٠٣ گەلاوێژ محەمەدی ئەرشەد، هاوڵاتیی خەڵکی شاری مهاباد پاش بانگهێشتکردنی بۆ لقی جێبەجێکردنی سزاکانی دادگای مهاباد، دەستبەسەرکرا و بۆ تێپەڕاندنی سزاکەی بۆ بەندی ژنانی گرتووخانەی ورمێ گواسترایەوە.
گەلاوێژ محەمەدی ئەرشەد، پێشتر لەلایەن لقی یەکی دادگای شۆڕشی مهاباد بە سەرۆکایەتی دادوەر سەجاد دۆستی، بە تۆمەتی بانگەشە دژی ڕژیم، بە چوار مانگ زیندانی تەعزیری سزا درابوو. لە ٢٤ی گەلاوێژی ١٤٠٣ گەلاوێژ محەمەدی ئەرشەد، لەلایەن هێزە ئەمنییەکانەوە لە شاری مهاباد دەستبەسەرکرا و پاش ماوەیەک بە بارمتەی کاتی لە گرتووخانەی ورمێ ئازاد کرا.
