“لوقمان ئەفزەلی”، چالاکی سەندیکای مامۆستایان، بە کۆتایی هاتنی ماوەی گۆڕانی ناچاری شوێنی خزمەتەکەی پارێزگای ئەردەبیلی بەجێهێشت و بۆ شاری سنە گەڕایەوە. ئەم چالاکی سەندیکاییە پێشتر لەلایەن دەستەی پێداچوونەوەی سەرپێچییەکانی پارێزگای کوردستان بە دوو ساڵ گۆڕینی ناچاری شوێنی خزمەتەکەی بۆ پارێزگای ئەردەبیل مەحکوم کرابوو.
بەپێی ڕاپۆرتی کۆڵبەرنیوز بە وەرگرتنی لە هێرانا، لوقمان ئەفزەلی، چالاکی سەندیکای مامۆستایانی سنە، بە کۆتایی هاتنی ماوەی گۆڕینی شوێنی خزمەتەکەی، پارێزگای ئەردەبیلی بەجێهێشت. بەپێی ئەم ڕاپۆرتە ئەم چالاکی سەندیکای مامۆستایانە کە پێشتر لە ناوچای بەشی دووی شاری سنە بۆ پارێزگای ئەردەبیل گواسترابۆوە، ڕۆژی یەکشەممە حەوتی ڕێبەندان، بە کۆتایی هاتنی ماوەی حوکمەکەی بۆ شاری سنە گەڕایەوە.
ئەم چالاکە سەندیکاییە پێشتر لە دوازدەی ڕەشەمەی ١٤٠٠، لە ڕاگەیەندراوێکدا بۆ دەستەی سەرەتایی سەرپێچییەکانی ئیدارەی کارمەندانی کوردستان لە شاری سنە بانگهێشت کرابوو.
ئەم چالاکی سەندیکای مامۆستایانە لە ساڵی ١٤٠١ لەلایەن دەستەی پێداچوونەوەی سەرپێچییەکانی ئیدارەی کارمەندانی کوردستان بە تۆمەتی «سووکایەتی و بێ ڕێزیکردن بە ئەرکانی ڕژیمی کۆماری ئیسلامی»، «بەرهەمهێنان و ناردنی هێماگەلێک بە تەوەری ستەمکاری لە ڕژیمی کۆماری ئیسلامی دا»، و «تێکدانی هزر و ڕای گشتی لەڕێگەی بڵاوکردنەوەی بابەت گەلێک لە تۆڕی کۆمەڵایەتی و ڕاستەقینەدا»، بە دوو ساڵ گۆڕینی ناچاری شوێنی خزمەتەکەی بۆ شاری ئەردەبیل لە پارێزگای ئەردەبیل مەحکوم کرا. پاش ماوەیەک ئەم سزایە بە دەنگی دەستەی پێداچوونەوەی سەرپێچییەکانی ئیداری پارێزگای کوردستان پەسەند کرا.
لوقمان ئەفزەلی، چالاکی سەندیکا و ئەندامی ئەنجوومەنی سەندیکای مامۆستایانی کوردستان – سنەیە.
