کۆڵبەرێک بە تەقەی ڕاستەوخۆی هێزەکانی هەنگی مەرزی لە سنووری هەنگەژاڵەی بانە بە سەختی بریندار بوو.
بە پێی زانیارییەکانی کۆڵبەرنیوز، ڕۆژی چوارشەممە ٣ی جۆزەردانی ١٤٠٢، هێزەکانی هەنگی مەرزی تەقەیان لە کۆڵبەران لە سنووری بانە کردووە و لە ئەنجامدا کۆڵبەرێک زۆر بە سەختی بریندار بووە. تا کاتی ئامادەکردنی ئەم هەواڵە هیچ زانیارییەک لەسەر ناسنامەی کۆڵبەرە بریندارەکە لەبەردەستدا نییە.
بە پێی ئەو ئامارانەی کە لە ساڵی ١٤٠١دا لەلایەن کۆڵبەر نیوزەوە تۆمارکراون، بە گشتی ٢٣٤ کۆڵبەر لە ناوچە سنوورییەکان و ڕێگاکانی نێوان پارێزگاکانی ئازەربایجانی ڕۆژئاوا، کوردستان و کرماشان بە هۆکارگەلی وەک تەقەی ڕاستەوخۆی هێزە نیزامییەکانی ڕێژیم، مانەوە لە بەفر و بەستەڵەکدا، تەقینەوەی مین، بەربوونەوە لە شاخ و بەرزاییەکان و هتد…کوژراو و بریندار بوون.
لەم ڕێژەیە ٣٩ کۆڵبەر واتە (١٧%) کوژراو و ١٩٥ کۆلبەر واتە(٨٣%) بریندار بوون.
هەروەها لە کۆی گشتی ٢٣٤ کۆڵبەری کوژراو و بریندار لە ساڵی ١٤٠١دا، ١٧٢ کۆڵبەر (٧٤%) بە تەقەی ڕاستەوخۆی هێزە سەربازییەکان کوژراو و بریندار بوون.
