ناسر عەلیپوور، هاووڵاتی خەڵکی شاری بۆکان، بە دانانی بارمتە تا کۆتایی پرۆسەی دادگا، بە شێوەیەکی کاتی لە زیندانی ئەم شارە ئازاد کرا.
بەپێی ڕاپۆرتی کۆڵبەرنیوز، ڕۆژی پێنجشەممە ٢٦ی ڕێبەندانی ١٤٠٢، ناسر عەلیپوور لە زیندانی شاری بۆکان ئازاد کرا. بەپێی ئەم ڕاپۆرتە ناوبراو بە دانانی بارمتەی ٢٥٠ میلیۆن تمەن لە زیندانی بۆکان ئازاد کراوە.
لە ٢٨ی بەفرانباری ١٤٠٢دا ناسر عەلیپوور لە شاری بۆکان لەلایەن هێزە ئەمنییەکانەوە دەسبەسەر و بۆ گرتووخانەی ئیدارەی ئیتلاعاتی ئەم شارە گواسترایەوە. دواجار دوای ڕاگرتنی بۆ ماوەیەک لەم دامەزراوە ئەمنییەدا بۆ زیندانی شاری بۆکان گوازرایەوە.
تا ساتی نووسینی ئەم ڕاپۆرتە هیچ زانیارییەک لەسەر ئەو تۆمەتەی کە ئاراستەی ئەم هاوڵاتییە کراوە لەبەردەستدا نییە.
