لوقمان پیشیار و حەسەن مەردانی، دوو هاووڵاتی شاری بۆکان، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرانەوە.
بە پێی ڕاپۆرتی کۆڵبەرنیوز، نیوەشەوی پێنجشەممە ١٩ی گەلاوێژی ١٤٠٢، دوو هاووڵاتی شاری بۆکان بە ناوەکانی لوقمان پیشیار و حەسەن مەردانی لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرانەوە.
هێزە ئەمنییەکان بەبێ ئەوەی فەرمانی دادگا دەربکەن، ئەو هاووڵاتییانەیان دەستگیرکردووە و لێپرسینەوەیان لەگەڵدا کردوون.
تا ساتی نووسینی ئەم ڕاپۆرتە هیچ زانیارییەک لە بەردەستدا نییە سەبارەت بە هۆکاری دەستگیرکردن و تۆمەتی ئەو دوو هاووڵاتییە.
