محەممەد یوسفی تەمەن ١٧ ساڵ، حەمزە بەرزگەر تەمەن ١٦ ساڵ و محەمەد مەحمودی تەمەن ١٦ ساڵ، سێ منداڵی خەڵکی شاری جوانڕۆ، دوای دەربڕینی دڵخۆشی خۆیان بە شکستی تیمی حکومەتی فوتباڵی ئێران بەرامبەر بە تیمی قەتەر، دەستبەسەر و بۆ شوێنێکی نادیار گوازرانەوە.
بەپێی ڕاپۆرتی کۆڵبەرنیوز، ڕۆژی چوارشەممە ١٨ی ڕێبەندانی ١٤٠٢، محەممەد یوسفی، منداڵێکی تەمەن ١٧ ساڵی خەڵکی شاری جوانڕۆ، لەلایەن هێزە ئەمنییەکانی ئەو شارەوە دەستبەسەر و بۆ شوێنێکی نادیار گواستراوەتەوە.
بەپێی ڕاپۆرتێکی دیکە، ڕۆژی چوارشەممە ٢٥ی ڕێبەندانی ١٤٠٢، حەمزە بەرزگەر تەمەن ١٦ ساڵ و محەمەد مەحمودی تەمەن ١٦ ساڵ، دوو منداڵی دیکەی خەڵکی شاری جوانڕۆ، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازراونەتەوە.
بەپێی ئەم ڕاپۆرته، دەستبەسەرکردنی ئەم سێ منداڵه دوای ئەوه بووه که خۆشحاڵی خۆیان به شکستی تیمی حکومەتی فوتباڵی ئێران بەرامبەر بە قەتەر دەربڕیوە.
