موحەممەدزادە ڕۆژنامەنووسی خەڵکی شاری جوانڕۆ، لەلایەن دادگاوە بە دوو ساڵ زیندانی تەعلیقی مەحکووم کرا.
بەپێی ڕاپۆرتی کۆڵبەرنیوز، لە ٢٤ی گوڵانی ١٤٠٣ دانیشتنی دادگای ئیرەج موحەممەدزادە، ڕۆژنامەنووس و پەیامنێری خەڵکی شاری جوانڕۆ لەلایەن لقی ١٠١ی دادگای شاری جوانڕۆ بە سەرۆکایەتی دادوەر هادی چراغی بەڕێوەچوو. ئیرەج موحەممەدزادە بە تۆمەتی «بڵاوکردنەوەی ناڕاستی» و «تێکدانی تێڕوانینی گشتی» بە ٢ ساڵ زیندانی تەعلیقی مەحکووم کرا.
بەپێی ئەم ڕاپۆرتە، دانیشتنی دادگای ئەم ڕۆژنامەنووسە بەبێ ئامادەیی پارێزەرەکەی بەڕێوەچوو. شایانی باسە ئیرەج موحەممەدزادە سەرەتا بە ٣ مانگ زیندانی تەعزیری مەحکووم کرابوو، کە حوکمی ناوبراو بە ٢ ساڵ زیندانی تەعلیقی گۆڕدراوە.
ئیرەج موحەممەدزادە لە ١٩ی خاکەلێوەی ١٤٠٣، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گوازرایەوە و پاش ڕۆژێک بە دانانی بارمتەی ٥٠٠ ملیۆن تمەن و بە شيوەی کاتی تا کۆتایی هاتنی لێکۆڵینەوەی دادگا ئازادکرابوو.
