کاوە چوپانی، هاووڵاتییەکی خەڵکی شاری دیواندەرە، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی سێشەممە ٢٤ی ڕێبەندانی ١٤٠٢، کاوە چوپانی تەمەن ٣٨ ساڵ، هاووڵاتییەکی خەڵکی شاری دیواندەرە، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرایەوە.
بەپێی ئەم ڕاپۆرتە، هێزە ئەمنییەکان بە هەڵکوتانە سەر دوکانی ئەم هاوڵاتییە هەوڵی دەستگیرکردنی ئەم هاووڵاتییەیان داوە.
هێزە ئەمنییەکان بەبێ فەرمانی دادوەری ئەم هاوڵاتیەیان دەستگیرکردووە و تا کاتی نووسینی ئەم ڕاپۆرتە هیچ زانیارییەک لەبارەی هۆکاری دەستگیرکردن و تۆمەت و شوێنی ئەم هاوڵاتییە لەبەردەستدا نییە.
