بەیان فەرەجوڵڵاهی، هاووڵاتییەکی خەڵکی شاری سنە، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزرا.
بە پێی ڕاپۆرتی کۆلبەرنیوز، ئێوارەی ڕۆژی دووشەممە ٢٦ی پووشپەڕی ساڵی ١٤٠٢، بەیان فەرەجوڵڵاهی هاووڵاتیی خەڵکی شاری سنە لە لایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزرا. بەپێی ئەم ڕاپۆرتە، هێزە ئەمنییەکان هەڵیانکوتایە سەر ماڵی ئەم هاووڵاتییە و لە ماڵەکەی خۆیدا دەستبەسەریان کردووە.
تا ساتی نووسینی ئەم ڕاپۆرتە هیچ زانیارییەک لەبارەی هۆکاری دەستبەسەرکردن و تۆمەتەکانی ئەم هاوڵاتییە لەبەردەستدا نییە.
