دوای نزیک بە ١١٠ ڕۆژ دەستبەسەر کران، کەیوان زەندکەریمی بە دانانی بارمتەی قورس تا کۆتایی پرۆسەی دادگا بەشێوەیەکی کاتی لە زیندان ئازادکرا.
بەپێی ڕاپۆرتی کۆلبەرنیوز، ڕۆژی شەممە ٤ی خەرمانانی ١٤٠٢، دوای نزیک بە ١١٠ ڕۆژ لە دەستبەسەرکران، کەیوان زەندکەریمی بە دانانی بارمتەی قورس تا کۆتایی پرۆسەی دادگاییەکەی، بەشێوەیەکی کاتی لە زیندان ئازاد کرا.
کەیوان زەندکەریمی ڕۆژی یەکشەممە ١٧ی گوڵانی ١٤٠٢، دوای پێنج ڕۆژ لە ئازاد بوونی، جارێکی دیکە لەلایەن هێزە ئەمنییەکانەوە دەستبەسەر کرایەوە.
کەیوان زەندکەریمی تەمەن ٢٩ ساڵ، ڕۆژی ٧ی بەفرانباری ١٤٠١ لە شوێنی کارەکەی لەلایەن هێزە ئەمنییەکانەوە دەستبەسەر و پاش دوو مانگ لێپرسینەوە لە یەکێک لە گرتووخانە ئەمنییەتیەکانی شاری سنەوە بۆ زیندانی ئەم شارە ڕاگوێزرا. سەرەنجام ڕۆژی سێشەممە ١٢ی گوڵانی ١٤٠٢ پاش ١٢٥ ڕۆژ دەستبەسەرکران، کەیوان زەندکەریمی بە دانانی بارمتەی سێ میلیارد تمەن تا کۆتایی پرۆسەی دادگا لە زیندانی سنە ئازاد کرا.
تا ساتی نووسینی ئەم ڕاپۆرتە هیچ زانیارییەک لەبارەی هۆکاری دەستگیر بوون و تۆمەتەکانی ئەم هاوڵاتییە لەبەردەستدا نییە.
