ئەیوب میرزایی، هاووڵاتییەکی خەڵکی شاری شنۆ، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی چوارشەممە ٢٥ی گەلاوێژی ١٤٠٢، ئەیوب میرزایی، هاووڵاتی خەڵکی گوندی “بیمزێرتی” سەر بە شاری شنۆ، لەلایەن هێزە ئەمنییەکانی شارەکەوە دەستبەسەر و بۆ شوێنێکی نادیار گواسترایەوە.
ئەیوب میرزایی ڕۆژی هەینی ٢٠ی خەزەڵوەری ١٤٠١ بەبێ فەرمانی دادگا لەلایەن هێزە ئەمنییەکانەوە دەستگیرکرا و دواجار ڕۆژی سێشەممە ٢٥ی ڕێبەندانی ١٤٠١ بە دانانی کەفالەت تا کۆتایی پرۆسەی دادگا بەشێوەیەکی کاتی لە زیندانی شنۆ ئازادکرا.
هێزە ئەمنییەکان بەبێ ئەوەی فەرمانی دادگا دەربکەن، ئەو هاووڵاتیەیان دەستگیرکردووە و لێپرسینەوەیان لەگەڵدا کردووە. تا ساتی نووسینی ئەم ڕاپۆرتە هیچ زانیارییەک لەبارەی هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
