زارا نەبی زادە، هاووڵاتی خەڵکی شاری مهاباد، پاش بانگهێشتی تەلەفونی بۆ ئیدارەی ئیتلاعاتی ئەم شارە دووبارە دەستبەسەرکرا.
بەپێی ڕاپۆرتی کۆڵبەرنیوز، ڕۆژی سێشەممە ٨ی جۆزەردانی ١٤٠٣، زارا نەبی زادە، هاووڵاتی خەڵکی شاری مهاباد، پاش بانگهێشتی تەلەفونی بۆ ئیدارەی ئیتلاعاتی ئەم شارە دووبارە دەستبەسەرکرا.
ناوبراو کە پێشتریش لە ماوەی بزووتنەوەی شۆڕشگێڕانەی ژینادا، لە ٤ی بەفرانباری ١٤٠١، لەلایەن هێزە ئەمنییەکانەوە دەستبەسەرکرابوو، ئەم جارە لەگەڵ کوڕە ٥ ساڵەکەی دەستبەسەرکران و بۆ زیندانی ورمێ گواسترانەوە.
تا کاتی نووسینی ئەم ڕاپۆرتە، لە هۆکارەکانی دەستبەسەرکرانی دووبارەی ناوبراو زانیارییەک لەبەردەستدا نییە.
شایانی باسە، ناوبراو لە کاتی دەستبەسەرکرانیدا لە بەفرانباری ١٤٠١، دووگیان بووە و بەهۆی ئەشکەنجەوە منداڵەکەی لەدەستدابوو.
ئەم هاووڵاتیەی خەڵکی شاری مهاباد، پاش ماوەیەک لە دەستبەسەرکرانی ئازادبوو و بەم حاڵەوە تا ئێستاش لەژێر چاودێری هێزە ئەمنییەکاندایە.
