“یەدوڵڵا نادری”، چالاکی سیاسی، ماوەی ٤٥ ڕۆژە لەلایەن ناوەندە ئەمنییەکانی شاری مەریوانەوە دەستبەسەر کراوە و تا ئێستا هیچ زانیارییەک لەبارەی بارودۆخ و چارەنووسی ناوبراوەوە نییە.
بەپێی ڕاپۆرتی کۆڵبەرنیوز، “یەدوڵڵا نادری”، چالاکی سیاسی خەڵکی شاری مەریوان، لە ٢٢ی ڕەزبەری ١٤٠٢، دوای گەڕانەوەی بۆ ئێران لەلایەن ناوەندە ئەمنیەتییەکانی ڕێژیمەوە دەستبەسەر و تا ئێستاش ناوەندە ئەمنییەکان ڕێگرییان لە بەدواداچوون بۆ دەستکەوتنی زانیاری لەسەر چارەنووسی کردووە.
پێشتر کۆڵبەرنیوز لە ڕاپۆرتێکدا بە پشت بەستن بە سەرچاوەیەکی ئاگادار، هەوڵی بێ ئەنجامی بنەماڵەکەی بۆ ئیدارەی ئیتلاعات و ئیتلاعاتی سوپا لەسەر چارەنووسی ناوبراو ڕاگەیاندبوو.
بە لەبەرچاوگرتنی بێسەروشوێنکردنی زۆرەملێی “یەدوڵڵا نادری” لەلایەن ڕێژیمەوە، پێدەچێت لەژێر ئەشکەنجەی توندی دەزگا ئەمنییەکاندا بێت.
